fbpx

نجيب ساويرس…الزعيم الراحل جمال عبدالناصر مش بس فاشل ده ضيع البلد

قال رجل الأعمال نجيب ساويرس إن الزعيم الراحل جمال عبدالناصر “ضيع البلد”.

وبدأت القصة بسؤال وجهه أحد متابعى ساويرس، على “تويتر”، له: “لو معاك الجنسية الأمريكية هترشح مين ترامب ولا بايدن يا باشمهندس؟”، فرد نجيب: “الاتنين انيل من بعض واحد عجوز واشتراكى ومش فوق مستوى الشبهات والتانى محدث نعمة وغبى وأخلاقياته زفت وتصريحاته هابلة و مغرور على الفاضى وطول النهار يشكر فى نفسه”.

فسأل أحد المتابعين: “هي اشتراكي شتيمة؟”، فرد ساويرس: “لا بس نظرية فاشلة… وتتسبب فى الفساد.. المال السايب اللى ملوش صاحب منهوب ويشجع على الفساد”.

فدافع أحد المتابعين عن ناصر قائلا: “نظام الراحل العظيم جمال عبدالناصر كان اشتراكى وأسس قواعد العدالة الاجتماعية فى مصر بعد ما كانت اقطاعية راس مالية.. عبد الناصر فاشل مثلا؟”.

فرد ساويرس: “مش فاشل.. كارثى ودمر مصر”، فسأل متابع: “هو انت خايف تقول فاشل يا باشمهندس؟”، فأجاب ساويرس: “لا أنا شايف إن فاشل مش كفاية… ضيع البلد جاب عاليها واطيها دمر الرقعة الزراعية بتقسيمها.. أفلس كل الشركات الناجحة بتأميمها ودخلنا حرب اليمن وبهدلنا وفضحنا قدام إسرائيل فى ٦٧ بهزيمة منكرة وسجن كل من طالب بالحريات غير التعذيب فى المعتقلات بحمزة البسيونى وصلاح نصر … أكمل؟”.

اترك تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *

eXTReMe Tracker
انتقل إلى أعلى