قال الرئيس عبدالفتاح السيسي، إننا نحتاج لتوحيد أدبيات التعامل مع الواقع، مضيفًا خلال الجلسة الختامية للمؤتمر الاقتصادي مصر 2022، الثلاثاء: «إوعى تخلي غضبك من سوء الأداء يتحول لعداوة مع اللي بيقوموا بسوء الأداء إوعى تعمل كدا، إوعى تكره الفقير.. اكره الفقر، لكن متكرهش الفقير».

وأضاف: «لما عملنا المساكن بتاعة المناطق الخطرة قولنا للناس مش هناخد منكم فلوس هناخد بس منكم صيانة عشان نحافظ على اللي إحنا عملناه.. حد يصدق إن أنا أتابع الناس بتدفع ولا مبتدفعش».

وتابع: «بقى أنت واخد بالك بشاير والأسمرات وأهالينا دفعت ولا مدفعتش الـ300 جنيه، وزميلي اللي موجود في المحافظة ولا المحليات مش واخد باله؟.. طب أنا بقى ساعتها أكفر بالفكرة ومعملش كدا تاني.. لا أنا لازم أعرف هو ليه كدا وأساعده إنه ميبقاش كدا ومكرهش سلوكيات الفقر وأكره الفقر نفسه وأستهدف الفقر نفسه وأغيره ونغيره مع بعض».

واستكمل وفقا لما ورد هنا: «المرتبات تعبانة، أيوة تعبانة والله العظيم أنا بكلمكم من قلبي، أقل من 10 آلاف جنيه لأي حد بيتشتغل ما يعيّش طب دول عايشين إزاي هتقولي طب ما تديهم.. وأنا بقى لازم أكون متوازن في إدارة الأمر غيرنا كان مساره أكل وشرب ودفع فلوس وسابها لما بقت عالحديد».